សហគមន៍អេកូទេសចរណ៍កោះសាមសិបខេត្តក្រចេះផ្លាស់ប្តូរទម្លាប់ថ្មីក្នុងបរិបទជំងឺកូវីដ-១៩

សហគមន៍អេកូទេសចរ ណ៍កោះសាមសិបខេត្តក្រចេះងាកមកផ្លាស់ប្តូរទម្លាប់ថ្មីក្នុងបរិបទនៃជំងឺកូវីដ-១៩ ដើម្បីធានាបាននូវសុខសុវត្ថិភាពជូនភ្ញៀវទេសចរពីការចម្លងនៃជំងឺដ៏កាចសាហាវមួយនេះ ។

លោក ឃុត សំអុល ប្រធានសហគមន៍អេកូទេសចរណ៍កោះសាមសិបក្នុងខេត្តក្រចេះ បានមានប្រសាសន៍ថា ដើម្បីទាក់ទាញភ្ញៀវទេសចរក្នុង អំឡុងពេលវិបត្តិនៃជំងឺកូវីដ- ១៩ ជាពិសេសបានបង្កើនទំនុកចិត្តជូនភ្ញៀវទេសចរវិញនោះ ទើបសហគមន៍មានការរៀបចំកាត់បន្ថយចំនួនភ្ញៀវទេសចរ ដែលជិះទូកឆ្លងកាត់ក៏ដូចជាជិះរថយន្ត ការណែនាំអំពីវិធានសុវត្ថិភាពរបស់ក្រសួងសុខាភិបាល ស៊ើបសួរប្រវត្តិទីតាំងរស់នៅរបស់ភ្ញៀវ ដើម្បីទប់ស្កាត់កុំឱ្យមានឆ្លងចូលក្នុងតំបន់ ។« សម្រាប់ពេលកូវីដ -១៩ ភ្ញៀវក្នុងស្រុករបស់យើង គាត់មានឱកាសមកកំសាន្តក្នុងសហគមន៍នេះ ដោយសារជាកន្លែងដែលធម្មជាតិ ហើយ ក៏មិនសូវមានអ្នកចំណូលច្រើន គាត់អាចមកកម្សាន្តជាលក្ខណៈគ្រួសារ ដោយមិនមានការប្រមូលផ្ដុំទេ ហើយថាសហគមន៍យើងខ្ញុំក៏មានប្រជុំដើម្បីបង្ហាញពីភាពប៉ះពាល់ដើម្បីការយល់ដឹងពីបញ្ហាជំងឺកូវីដ-១៩ ហើយក្នុងសហគម ន៍របស់យើងខ្ញុំដូចជាក្នុង អំឡុងពេលកូវីដ១៩នេះ ក៏មិនបិទសិទ្ធិថាមិនឱ្យចូលដែរ គឺមានជម្រើសច្រើនសម្រាប់គាត់ ហើយភ្ញៀវត្រូវជឿជាក់ដោយខ្លួនឯងថា មិនមានផ្ទុកជំងឺកូវីដ-១៩ ចូលមកក្នុងសហគមន៍នេះ »។លោកបន្តថា សហគមន៍បានផ្ដល់ព័ត៌មានសម្រាប់ភ្ញៀវ ដែលមកកម្សាន្តនៅទីនេះ ដើម្បីបង្ហាញពីសក្ដានុពលនានាក្នុងសហគមន៍ ដែលចាប់ពីខែវិច្ឆិកា២០២០ រហូត ដល់ខែមករាឆ្នាំ២០២១ គឺសក្តានុពលរបស់សហគមន៍ មានឆ្នេរខ្សាច់ដ៏ស្រស់ស្អាត សម្បូរទៅដោយធនធានធម្មជាតិ ដូចជាផ្កាធម្មជាតិមួយប្រភេទស្រស់ស្អាត ដែលភ្ញៀវទេសចរ អាចបេះញ៉ាំ   ភ្លាមៗ និងយកទៅធ្វើជាម្លូបប្រចាំសហគមន៍ ព្រមទាំងទស្សនាព្រៃលិចទឹកទន្លេមេង្គ ទស្សនាសត្វស្លាប ពិសេសសត្វស្លាបជិតផុតពូជជាច្រើនប្រភេទ ទស្សនាថ្ងៃរះនិងថ្ងៃរៀបលិច  ស្ទូចត្រី បង់សំ ណាញ់ ងូតទឹកលេងកម្សាន្តជាដើម ។ ម្យ៉ាងវិញទៀតកោះសាមសិបមានសក្តានុពលគួរចាប់អារម្មណ៍បំផុតសម្រាប់ភ្ញៀវដែលមកកម្សាន្តនៅទីនេះ ដោយសារតំបន់នេះមានភាពស្ញប់ស្ងាត់ ដូច្នេះភ្ញៀវទេសចរទាំងអស់ ដែលបានមកដល់ទីនេះ អាចបោះតង់តាមឆ្នេរ ខ្សាច់ដើម្បីស្នាក់នៅជជែកគ្នាលេងនាពេលរាត្រីផងដែរ ។

លោកបានបន្ថែមថា សហ គមន៍អេកូទេសចរណ៍កោះសាមសិប ត្រូវបានបង្កើតឡើងកាលពីថ្ងៃទី២២ ខែ ឧសភា ឆ្នាំ២០១៨ ដូច្នេះសង្ឃឹមថាភ្ញៀវក្នុងស្រុកទាំង អស់មុនពេលដែលមកទស្សនាសហគមន៍អេកូទេសចរណ៍កោះសាមសិប សូមធ្វើការទំនាក់ទំនងមកខាងសហគមន៍ជាមុនសិនដើម្បីឱ្យភ្ញៀវទេសចរទាំងអស់មានភាពកក់ក្ដៅសម្រាប់ដំណើរកម្សាន្តនៅក្នុងសហគមន៍មួយនេះ ជាពិសេសជៀសវាងជួបនូវគ្រោះថ្នាក់ជាយថាហេតុណាមួយ ។

សូមបញ្ជាក់ថា អេកូទេស ចរណ៍កោះសាមសិប គឺជាទីឋានដ៏ស្រស់ត្រកាលប្រៀបដូចឋានសួគ៌ក្រោមមេឃ ដែលមានធម្មជាតិដ៏វិសេស គ្របដណ្ដប់ដោយព្រៃឈើបៃតងខ្ចី មានវាលខ្សាច់ស ក្បុសនារដូវប្រាំង ព្រមទាំងមានទេសភាពដ៏ស្រស់ត្រកាល ដែលអាចទាក់ទាញភ្ញៀវទេសចរ ឱ្យមកកម្សាន្តម្ដងហើយ ចង់មកម្តងទៀត ៕

ប្រភព៖ ក្រសួងព័ត៌មាន