ស្រ្តីម្នាក់បានលួចកំព្យូទ័រពីការិយាល័យអ្នកស្រីPelosiនិងព្យាយាមលក់ឱ្យភ្នាក់ងារស៊ើបការ សម្ងាត់រុស្ស៊ី

(Reuters)៖ យោងតាមពាក្យបណ្តឹងនៅតុលារអាមេរិកមួយ នៅថ្ងៃចន្ទទី ១៨ ខែ មករា ឆ្នាំ ២០២១នេះ បានឱ្យដឹងថា ក្រុមមន្ត្រីអនុវត្តន៍ច្បាប់អាមេរិកកំពុងតែស៊ើបអង្កេតថាតើស្ត្រីម្នាក់ដែលលួចយកកំព្យូទ័រមួយគ្រឿងពីការិយាល័យអ្នកស្រី Nancy Pelosi អ្នកនាំពាក្យសភាអាមេរិក ពេលដែលពួកបាតុករចូលឡុកលុយវិមានកាពីតូលកាលពីថ្ងៃទី៦ ខែមករា ឆ្នាំ ២០២១ ពិតជាព្យាយាមលក់កំព្យូទ័រនោះទៅឱ្យភ្នាក់ងារស៊ើបការសម្ងាត់ពិតមែនឬក៏យ៉ាងណា ។

កាលពីថ្ងៃអាទិត្យនេះ ភ្នាក់ងារស៊ើបការសម្ងាត់អាមេរិកម្នាក់បានចេញលិខិតមួយបញ្ជាក់រៀបរាប់ពីរឿងក្តីឧក្រិដ្ឋកម្មប្រឆាំងអ្នកស្រី Riley June Willaims រស់នៅរដ្ឋPennsylvania ពីបទទម្លាយចូលអាគារវិមានកាពីតូលដោយខុសច្បាប់ និងបានដឹកនាំពូកបាតុករចូលការិយាល័យអ្នកស្រី Pelosi ។

ករណីចោរលួចគ្រឿងអេឡិចត្រូនិចពីការិយាល័យសភាគឺជាកង្វល់ដ៏ធំមួយក្រោយពីអ្នកគាំទ្រលោកប្រធានាធិបតី ដូណាល់ត្រាំបានចូលលុកលុយចូលវិមានកាពីតូល ។

មេធាវីសហព័ន្ធស្តីទី លោក Michael Sherwin បានថ្លែងថា ករណីចោរកម្មខ្លះអាចនឹងធ្វើឱ្យប៉ះដល់សន្តិសុខជាងយ៉ាងធ្ងន់ធ្ងរ ។
យោងតាមលិខិតបញ្ជាក់ ភ្នាក់ងារស៊ើបការសម្ងាត់បានទទួលព័ត៌មានពីបុរសដែលធ្លាប់មានទំនាក់ទំនងស្នេហាជាមួយRiley June Williams ។

លិខិតរបស់FBIបានបន្ថែមទៀតថា “អ្នកផ្តល់ព័ត៌មានបានប្រាប់យើងថា អ្នកស្រី Riley June Williams មានបំណងផ្ញើកំព្យូទ័រទៅមិត្តភក្តិម្នាក់នៅរុស្ស៊ី ហើយគេនឹងលក់កំព្យូទ័រនោះទៅឱ្យទីភ្នាក់ងារស៊ើបការសម្ងាត់រុស្ស៊ី ។”