រដ្ឋបានខេត្តកំពង់ធំរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សា ខេត្តនៅស្រុកប្រាសាទបល្ល័ង

ខេត្តកំពង់ធំ៖ នៅព្រឹកថ្ងៃ ពុធ ទី១៨​ ខែវិច្ឆិកា ឆ្នាំ២០២០ រដ្ឋបានខេត្ត កំពង់ធំ បានរៀបចំវេទកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត លើកទី២ អាណត្តិទី៣ ប្រចាំឆ្នាំ២០២០ ក្រោមអធិតីភាព ឯកឧត្ដម សុខ លូ អភិបាលខេត្ត​កំពង់ធំ រួមទាំង ឯកឧត្ដម លោកជំទាវ សមាជិក សមាជិកា ក្រុមប្រឹក្សា ខេត្តកងកម្លាំងប្រដាប់អាវុធ ទាំងបីប្រភេទមន្ទីរអង្គភាពជុំវិញខេត្ត អាជ្ញាធរស្រុក និងប្រជាពលរដ្ឋជាច្រើននាក។វេទិកានេះមានគោលបំណងដើម្បីចង់ដឹងអំពីបញ្ហាប្រឈម និងសំណូមពរនានារបស់ប្រជាពលរដ្ឋនៅក្នុងមូលដ្ឋាន ឱ្យអាជ្ញាធរដោះស្រាយបាន ទាន់ពេលវេលាប្រកបដោយ តម្លាភាពនិងមានគណនេយ្យភាពត្រឹមត្រូវ។ ម្យ៉ាងទៀត វេទិកានេះបានផ្ដល់ឳកាសដល់ក្រុមប្រឹក្សាគ្រប់ថ្នាក់អ្នកពាក់ព័ន្ធ និងប្រជាពលរដ្ឋទាំងអស់អាចចូលរួមក្នុងការផ្ដល់មតិយោបល់ចំពោះចំពោះការអភិវឌ្ឍមូលដ្ឋានសមិទ្ធផលបញ្ហាប្រឈមនិងទិសដៅអនុវត្តនាពេលខាងមុខរបស់រដ្ឋបាលខេត្តផ្ដល់នូវអនុសាសន៍និង សំណូមពរនានា ។ ជាពិសេសដើម្បីឆ្លើយតបបានទាន់ពេលវេលាពីស្ថាប័នជំនាញ និងកម្លាំងសមត្ថពាក់ព័ន្ធ ដើម្បីឈានទៅធ្វើការ កែលម្អ និងដោយស្រាយឱ្យកាន់តែល្អប្រសើរស្របទៅនឹងតម្រូវការជាអាទិភាព​។

ដោយ៖​ បូ សល់