រដ្ឋមន្រ្តីក្រសួងរ៉ែ និងថាមពល ៩៨% នៃអ្នកស្រុកល្វាឯម ខេត្តកណ្តាល មានអគ្គិសនីប្រើប្រាស់គ្រប់គ្រាន់ក្នុងឆ្នាំ២០២០ នេះ!!!

ភ្នំពេញ៖ ការប្រើប្រាស់អគ្គិសនីត្រូវបានផ្សព្វផ្សាយតាមការគ្រោងរបស់រាជរដ្ឋាភិបាលខណៈដែល ៩៨% នៃចំនួនភូមិសរុបក្នុងស្រុកល្វាឯម ខេត្តកណ្តាល មានប្រើប្រាស់អគ្គិសនី។ យោងតាមការចេញផ្សាយដោយគេហទំព័ររបស់ក្រសួងព័ត៍មានជាភាសាបារាំង នៅរសៀលថ្ងៃចន្ទ ទី១៤ ខែធ្នូ ឆ្នាំ២០២០។ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និងថាមពល បានមានប្រសាសន៍ឱ្យដឹងថា ការធ្វើឱ្យមានអគ្គិសនីប្រើប្រាស់នៅតាមជនបទមានការរីកចម្រើនគួរឱ្យកត់សម្គាល់ បន្ទាប់ពីរាជរដ្ឋាភិបាលបានកំណត់គោលដៅ នៃការធ្វើឱ្យមានអគ្គិសនីដល់ភូមិចំនួន ១៤.១៦៨ នៅក្នុងប្រទេសនៅចុងឆ្នាំ ២០២០ ក្នុងដំណើរទស្សនកិច្ចត្រួតពិនិត្យនៅស្ថានីយ៍ថាមពល ៤០០ មេហ្គាវ៉ាត់នៅស្រុកល្វាឯម ខេត្តកណ្តាល។

ឯកឧត្តម បានពន្យល់ថា នៅសល់ ២% ឬ ២៣៧ ភូមិដែលមិនទាន់បានតភ្ជាប់ទៅបណ្តាញអគ្គិសនីមានទីតាំងស្ថិតនៅក្នុងតំបន់ពិបាកដែលរារាំងដំណើរការធ្វើអគ្គិសនីកម្ម។

ឯកឧត្តមបន្ថែមថា ក្រសួងកំពុងរៀបចំតំឡើងប្រព័ន្ធព្រះអាទិត្យ ដើម្បីធ្វើការទាញពន្លឺព្រះអាទិត្យប្រើប្រាស់តំបន់ទាំងនេះ។ ហើយប្រភពថាមពលសំខាន់នៅកម្ពុជាយើង គឺទំនប់វារីអគ្គិសនីស្ថានីយ៍ ថាមពលដើរដោយធ្យូងថ្ម ថាមពលពន្លឺព្រះអាទិត្យ និងអគ្គិសនីនាំចូលពីប្រទេសជិតខាង។ តែតម្រូវការអគ្គិសនីបានធ្លាក់ចុះមកនៅត្រឹមតែ ១៧០០ មេហ្គាវ៉ាត់នៅឆ្នាំនេះពីចំនួន ៣.៦០០ មេហ្កាវ៉ាត់កាលពីឆ្នាំមុនដោយសារតែការធ្លាក់ចុះនៃការប្រើប្រាស់អគ្គិសនីនៃឧស្សាហកម្មកាត់ដេរដែលមានប្រហែល៤០% នៃការប្រើប្រាស់ថាមពលសរុបរបស់ប្រទេស នៅពេលមានវិបត្តិនៃការីករាលដាលនៃមេរោគកូវីដ-១៩ ។

អត្ថបទ៖ ស្រេង ចំរើន