ទឹកប្រាក់ចំនួន ២៣លានដុល្លារ ត្រូវបានក្រុមហ៊ុន Huawei Technologies ប្រើសម្រាប់វិនិយោគសាងសង់មជ្ឈមណ្ឌលទិន្នន័យទី៣ នៅប្រទេសថៃ

បាងកក៖ នៅព្រឹកថ្ងៃចន្ទ ទី១៦ ខែវិឆ្ឆិកា ឆ្នាំ២០២០ ក្រុមហ៊ុនបច្ចេកវិទ្យា Huawei Technologies Thailand បានប្រកាសនៅថ្ងៃនេះពីគម្រោងវិនិយោគ៧០០លានបាត (២៣លានដុល្លារ) នៅក្នុងការសាងសង់ មជ្ឈមណ្ឌលទិន្នន័យទី៣របស់ខ្លួន នៅក្នុងប្រទេសថៃ នាឆ្នាំ២០២១ខាងមុខ ដែលវាជាផ្នែកមួយ នៃកិច្ចខិតខំប្រឹងប្រែងរបស់ថាមពលបច្ចេកវិទ្យា ដើម្បីគាំទ្រប្រទេសថៃ ឲ្យក្លាយជាមជ្ឈមណ្ឌលឌីជីថលមួយ នៅតំបន់អាស៊ាន។លោក Abel Deng ប្រធានប្រតិបត្តិក្រុមហ៊ុន Huawei Technologies Thailand បានឲ្យដឹងថា ចំនួនទឹកប្រាក់វិនិយោគនេះ គឺប្រហាក់ប្រហែល នឹងការវិនិយោគសរុបលើមជ្ឈមណ្ឌលទិន្នន័យទី១របស់ខ្លួន ដែលសាងសង់ឡើង នៅតំបន់អភិវឌ្ឍន៍ពិសេស Eastern Economic Corridor ក្នុងឆ្នាំ២០១៨ និងមជ្ឈមណ្ឌលទី២ នៅទីក្រុងបាងកក ក្នុងឆ្នាំ២០១៩ កន្លងទៅនេះ៕

លោក Abel Deng បានបន្ថែមថា សម្រាប់ទឹកប្រាក់ ២៣លានដុល្លារលើការវិនិយោគសាងសង់មជ្ឈមណ្ឌលទិន្នន័យទី៣ ក្នុងប្រទេសថៃនេះ គឺដើម្បីជំរុញឱ្យប្រទេសនេះក្លាយទៅជាប្រទេសមួយដែលមានថាមពលបច្ចេកវិទ្យាខ្លាំង និងដើម្បីជួយដល់កំណើតសេដ្ឋកិច្ច ហើយណាមួយប្រទេសថៃជាប្រទេសដែលមានវប្បធម៍រឹងមាំទាំងវិស័យសិល្បៈ កសិកម្ម ឧស្សាហ៍កម្ម។ល។

គួរជម្រាបដែរ ក្រុមហ៊ុន Huawei Technologies បានធ្វើការវិនិយោគសាងសង់មជ្ឈមណ្ឌលទិន្នន័យធំៗចំនួនពីកន្លងមកហើយ ដែលការវិនិយោគនេះធ្វើឱ្យប្រទេសថៃកាន់តែរីកចម្រើន និងមានបច្ចេកវិទ្យាកាន់តែជឿលឿន។

ដោយ៖ បូ សល់