ពិធីសម្ភោធដាក់ឲ្យប្រើប្រាស់ផ្លូវបេតុងអាមេ ជាសមិទ្ធផលថ្មីរបស់ប្រជាជន ក្រោមម្លប់សន្តិភាព

នៅព្រឹកថ្ងៃទី០១ ខែមករា ឆ្នាំ២០២១ លោកធូ ឃឿអភិបាល នៃគណៈអភិបាលស្រុក លោកចាន់ មុន្នី សមាជិកក្រុមប្រឹក្សាស្រុក តំណាងលោកយឿង បាលូង ប្រធានក្រុមប្រឹក្សាស្រុកអូរជុំ បានអញ្ជើញជាអធិបតីក្នុងពិធីសម្ភោធដាក់ឲ្យប្រើប្រាស់ផ្លូវបេតុងអាមេ១ខ្សែ ប្រវែង ២១៤ម៉ែត្រទទឹង ៥ម៉ែត្រ នៅភូមិពី ឃុំល្អក់ ស្រុកអូរជុំ ដោយមានការចូលរួមពីលោក លោកស្រីសមាជិកក្រុមប្រឹក្សាស្រុក ប្រធានការិយាល័យចំណុះសាលាស្រុកនិងបងប្អូនប្រជាពលរដ្ឋសរុបប្រមាណ ៨៨ នាក់ ស្រី៤១ នាក់។ក្នុងឱកាសនេះដែរលោកអភិបាលបានស្នើឲ្យបងប្អូនប្រជាពលរដ្ឋចូលរួមថែរក្សាផ្លូវនេះទាំងអស់គ្នាជាពិសេសការសម្អាតតាមចិញ្ចើមផ្លូវកុំឲ្យទឹកភ្លៀងហូរច្រោះ ចំណែកចម្ចាស់ចំការដែលមានដំណាំជិតដងផ្លូវនេះសូមមេត្តាកាប់សំអាតចេញដើម្បីកុំឲ្យបាំងផ្លូវនៅពេលយើងធ្វើដំណើរបណ្តាលឲ្យមានគ្រោះថ្នាក់ចរាចរណ៍កើតឡើង ហើយលោកបានបំផុសឲ្យប្រជាពលរដ្ឋបង្កើនការដាំបន្លែនៅក្បែៗផ្ទះដើម្បីកាត់បន្ថយនៅការចំណាយផ្សេងៗ និងត្រៀមដីបំរុងទុកសាងសង់សាលារៀន មណ្ឌលសុខភាព និងសំណង់ផ្សេងៗទៀត ព្រោះប្រទេសកម្ពុជាយើងជាប្រទេសជាប្រទេសដែលកំពុងអភិវឌ្ឍន៍លើគ្រប់វិស័យ ទាំងនេះគឺដោយសារមានការដឹកនាំពីសម្តេច តេជោហុន សែន មានសន្តិភាព ទើបមានថ្ងៃនេះ។ដោយ៖​ បូ សល់