មន្រ្តីជំនាញក.ប.បខេត្តរកឃើញអំបិលមួយចំនួនដែលដាក់លក់ក្នុងផ្សារតាកែវគ្មានជាតិអ៊ីយ៉ូត

តាកែវ ៖ នៅក្នុងការចុះត្រួតពិនិត្យមុខទំនិញដែលដាក់លក់នៅលើផ្សារល្វេ ដែលស្ថិតនៅស្រុកទ្រាំង កាលពីព្រឹកថ្ងៃពុធ ទី០៩ ខែធ្នូ ឆ្នាំ២០២០ មន្រ្តីជំនាញសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការ ក្លែងបន្លំ ហៅកាត់ ក.ប.ប ខេត្តតាកែវ បានពិនិត្យរកឃើញអំបិលមួយចំនួនដែលក្រុមអាជីវករដាក់លក់មិនមានសាធាតុអ៊ីយ៉ូតដែលផ្ដល់ភាពសំខាន់ដល់ការរីកលូតលាស់រាងកាយ បញ្ញាស្មារតីរបស់កុមារនិងមនុស្សគ្រប់វ័យទាំងអស់។លោក លី សេរីសម្បត្តិ ប្រធានជំនាញសាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការ ក្លែងបន្លំ ហៅកាត់ ក.ប.ប ខេត្តតាកែវ បានថ្លែងឲ្យដឹងថា នៅក្នុងចុះពិនិត្យមុខទំនិញដែលដាក់លក់នៅលើផ្សារល្វេនេះ មន្រ្តីជំនាញកបបបានរកឃើញអំបិលដែលផលិតដោយក្រុមហ៊ុនទាគឹមហ៊ួ មិនមានដាក់សាធាតុអ៊ីយ៉ូតនៅក្នុងអំបិលនោះទេ ដូច្នោះមន្រ្តីជំនាញបានធ្វើការណែនាំដល់បងប្អូនអាជីវករឱ្យទាក់ទងទៅក្រុមហ៊ុនខាងលើ ឲ្យនាំយកអំបិលដែលមានដាក់សាធាតុអ៊ីយ៉ូតមកចែកចាយលក់លើទីផ្សារឡើងវិញ។លោកប្រធានសាខាកបបខេត្ត បានបន្តធ្វើការអំពាវនាវដល់បងប្អូនអាជីវករដែលដាក់លក់ទំនិញនៅលើទីផ្សារទាំងអស់ត្រូវតែលក់ទំនិញដែលគ្មានដាក់សារធាតុគីមីដែលនាំឲ្យប៉ះពាល់សុខភាពបងប្អូនប្រជាពលរដ្ឋជាពិសេសការដាក់អំបិលត្រូវតែអំបិលដែលមានសាធាតុអ៊ីយ៉ូត ព្រោះការប្រើប្រាស់អំបិលដែលគ្មានជាតិអ៊ីយ៉ូតវានិងធ្វើឲ្យអ្នកប្រើប្រាស់ពកករ និងមិនមានការរីកលូតលាស់ដល់បញ្ញាស្មារតីរបស់មនុស្សជាពិសេសរូបរាងកាយរបស់កុមារ។បើតាមលោក ប៉ោ លាងគង់ នៅក្នុងចុះត្រួតពិនិត្យទំនិញដែលដាក់លក់លើទីផ្សារ នេះក្រៅពីអំបិលដែលមន្រ្តីជំនាញរកឃើញមិនមានជាតិអ៊ីយ៉ូត ក្រៅពីនេះទំនិញហូបចុកនិងគ្រឿងកំប៉ុងដែលដាក់លក់លើទីផ្សារមន្រ្តីជំនាញរកមិនមិនឃើញមានសារធាតុគីមីរបស់តំនិញហួសការបរិឆ្ឆេទនោះទេ។ ការរកមិនឃើញទំនិញមានសារធាតុគីមីនិងទំនិញហួសការបរិឆ្ឆេទនេះបានបង្ហាញថាបងប្អូនអាជីវករមួយចំនួនធំកាន់តែមានការយល់ដឹងពីសុវត្ថិភាពចំណីអាហារ ។

សូមបញ្ជាក់ថា បន្ទាប់ពីដកហូតបានអំបិលគ្មានជាតិអ៊ីយ៉ូតចំនួន១០គីឡូក្រាមពីអាជីវករ មន្រ្តីជំនាញសាខាកបបខេត្ត បានយកអំបិលរួមទាំង ត្រីបបែលក្រៀម ចំនួន៩គ.ក្រ ពពុះសណ្តែក ១០គ.ក្រ ទឹកប្រេងខ្សង២ដបហ៊ួលកាលបរិច្ឆេទនៃការប្រើប្រាស់ ប៊័រហ៊ួលកាលបរិច្ឆេទ ១៦កំប៉ុង ដែលដកហូតបាន ក្នុងអំឡុងពេលចុះពិនិត្យទំនិញតាមទីផ្សារលើកមុនៗ មកដុតបំផ្លាញ់ចោលក្នុងថ្ងៃនេះផងដែរ ៕

ដោយ៖ បូ សល់